சிற்பம்
இடபாந்திக மூர்த்தி
இடபாந்திக மூர்த்தி
| சிற்பத்தின் பெயர் | இடபாந்திக மூர்த்தி |
|---|---|
| சிற்பத்தின்அமைவிடம் | கைலாசநாதர் கோயில் |
| ஊர் | திருவாலீஸ்வரம் |
| வட்டம் | அம்பாசமுத்திரம் |
| மாவட்டம் | திருநெல்வேலி |
| அமைவிடத்தின் பெயர் | கருவறை விமானம் மேற்குபுற தேவகோட்டம் |
| சிற்பத்தின் வகை | சைவம் |
| ஆக்கப்பொருள் | கருங்கல் |
| காலம்/ஆட்சியாளர் | கி.பி.10-ஆம் நூற்றாண்டு/முதலாம் இராஜராஜ சோழன் |
|
விளக்கம்
அறவெள்விடைக்கு அருளிய வடிவம் இடபாந்திக மூர்த்தி
|
|
| ஒளிப்படம்எடுத்தவர் | காந்திராஜன் க.த. |
|
குறிச்சொல்
|
|
|
சுருக்கம்
உலகம் அழியும் போது தானும் அழிய நேரும் என்ற பயம் தர்மதேவதைக்கு வந்தது. ஊழிக்காலத்தில் சிவபெருமான் உமையுடன் சேர்ந்து திருநடனம் புரிவார். அவ்வேளையில் மீண்டும் உயிர்கள் உய்வு பெறும். எனவே தர்மதேவதை சிவபெருமானை நோக்கி தவமிருந்து, அவரிடம் சரணடைந்தார். இறவாமல் இருக்க தர்மதேவதை சிவபெருமானின் காளை வாகனமாக இருக்க வரம் வேண்டி நின்றார். தர்மதேவதையின் வேண்டுகோளை ஏற்ற சிவனார் அதனை தன் வாகனமாக ஏற்றுக்கொண்டார். சிவபெருமானின் இத்திருக்கோலம் இடபாந்திக மூர்த்தி எனப்பெறும். இச்சிற்பத்தில் விடைக்கு வலது கரத்தால் அருளியவராய் உமையன்னையுடன் சிவனார் நிற்கிறார். இடது கை உமையின் இடையை அணைத்துள்ளது. இருவரும் வைஷ்ணவ நிலையில் ஒரு காலை ஊன்றி, ஒரு காலை தளர்வாக மடக்கியவாறு நின்றுள்ளனர். உமையாள் தன் வலது கரத்தை ஊரு முத்திரையாக வலது தொடையில் வைத்துள்ளார். இடது கையில் மலரைப் பிடித்துள்ளார். தேவி மார்பில் சன்னவீரமும், தேவன் முப்புரிநூலும் கொண்டுள்ளனர். இடபாந்திகருக்கு வயிற்றில உதரபந்தம், இடது காதில் பத்ரகுண்டலம், (வலது காது சிதைந்துள்ளது), கழுத்தணிகள், கைகளில் கேயூரம், முன் வளைகள் ஆகியன அணிகளாக அமைந்துள்ளன. அரையில் இடைப்பட்டிகையுடன் கூடிய குறங்கு செறி தொடையில் தொங்குகிறது. ஜடாமகுடரின் இணை கழுத்தில் சரப்பளியும், கைகளில் இலைக்கருக்குடன் மூடிய தோள்வளை, கடக வளை, சூடகம் ஆகியவற்றை அணிந்துள்ளாள். தன் தலைவருக்கு அருகில் பணிவுடன் இடபம் நிற்கிறது. அதன் கழுத்தில் அணிகளும், மணிகளும் தொங்குகின்றன.
|
|
|
குறிப்புதவிகள்
|
|
இடபாந்திக மூர்த்தி
இடபாந்திக மூர்த்தி
சிற்பம்
இடபாந்திக மூர்த்தி
QR குறியீட்டை ஸ்கேன் செய்யவும்
எந்த சாதனத்திலிருந்தும் இந்த ஆவணத்தை உடனடியாக அணுக ஸ்கேன் செய்யவும்..
உங்கள் மதிப்பீடு மற்றும் மதிப்புரைகளை வழங்கவும்
| ஆவண இருப்பிடம் | |
|---|---|
| தமிழ் இணையக் கல்விக்கழகம் | 08 May 2017 |
| பார்வைகள் | 12 |
| பிடித்தவை | 0 |
தொடர்புடைய சிற்பம்
