தட்சிணாமூர்த்தி கல்லால மரத்தின் கீழ் வீராசனத்தில் அமர்ந்துள்ளார்.மார்பு வரை மட்டுமே இச்சிற்பம் காணவியலுகிறது. சடைபாரம் கொண்டுள்ளார். சொல்லாமல் சொல்லி பொருளுரைக்கும் குரு வடிவாய்த் திகழ்கிறார். பின்னிரு கரங்களில் நாகமும், அக்கமாலையும் வைத்துள்ளார்.

தட்சிணாமூர்த்தி என்பதற்கு தென்திசைக் கடவுள் என்று பொருள். கோயிலில் தெற்கு நோக்கிய கோட்டத்தில் இவரை வைத்தல் மரபு. எனவே தென்முகக் கடவுள் எனவும் அழைக்கப்படுகிறார். தட்சிணாமூர்த்தி என்பதற்கு அகத்தியர் என்ற பொருளையும் தமிழ் அகராதி சுட்டுகிறது. தட்சிணாமூர்த்தி சின்முத்திரையுடன் காணப்படுவார்.